Aksident me vdekje në Korçë

Shqiperi

Gazeta Express

12/09/2024 20:27

Një aksident me vdekje ka ndodhur mbrëmjen e kësaj të enjte në aksin Korçë-Polenë.

Sipas njoftimit zyrtar, drejtuesi i makinës ka përplasur për vdekje këmbësorin 60-vjeçar.

“Rreth orës 19:30, në aksin dytësor “Ravonik-Qatrom”, automjeti tip “Benz”, me drejtues shtetasin S. Ç., 37 vjeç, ka përplasur këmbësorin, shtetasin B. R., 60 vjeç, i cili si pasojë e përplasjes ka ndërruar jetë.

Drejtuesi i automjetit është shoqëruar në Komisariatin e Policisë Korçë, për kryerjen e veprimeve të mëtejshme procedurale.

Ndërkaq, grupi hetimor është në vendngjarje, ku vijon punën për të përcaktuar shkakun e aksidentit”, thuhet në njoftim.