AKR-ja sigurt mbetet në opozitë

Gazeta Express

30/11/2019 15:25

Partia e Behgjet Pacollit më shumë gjasë do të mbetet opozitë. Deri tani ata nuk kanë pranuar asnjë ofertë për bashkëpunim nga Lëvizja Vetëvendosje e Albin Kurtit, e cila doli fituese në zgjedhjet e jashtëzakonshme parlamentare të 6 tetorit. Madje, as që presin se do të iu vijë një ofertë e tillë.

Sekretari i Përgjithshëm i AKR’së, Fatmir Matoshi i ka thënë Gazetës Express se deri tani nuk kanë pasur asnjë bisedë me Lëvizjen Vetëvendosje.

Deklaron se me shumë gjasë do të mbesin në opozitë, meqenëse nuk e presin një ofertë të tillë.

“Jo, me sa kam informata deri tash nuk kemi pas asnjë bisedë me Vetëvendosjen për këtë punë. Nëse e pranojmë ndonjë ofertën, takohemi me ta edhe flasim, po nuk jemi ka e presim. Në rregull jemi kështu, jemi mirë edhe ata besojë që e kryjnë shpejt edhe ne vazhdojmë me ndejt në opozitë”, ka thënë Matoshi për Express.