Kreu i Bashkimit Demokratik për Integrim, Ali Ahmeti përmes një shkrimi tha se është në komunikim të vazhdueshëm me institucionet që po vazhdojnë kërkimet për 22-vjeçarin nga Kumanova, i cili para katër dite ra në lumin Vardar, respektivisht në pjesën në dalje të Zhelinës, përcjell TV21. Ahmeti apeloi deri tek banorët që njohin terrenin të ndihmojnë familjen në aksionin e kërkimit.
“Të nderuar qytetarë, po bëhen sot katër ditë që kur familja Ramadani nga Kumanova po kërkon djalin e tyre Erdanin në ujërat e lumit Vardar pranë autostradës Shkup-Zhelinë. Jam në komunikim me të gjitha institucionet kompetente që janë vënë në kërkim të tij dhe të cilët më kanë njoftuar se janë duke përdorur të gjitha mekanizmat e nevojshme, por për efikasitet më të madh veprimi apeloj deri te të gjithë qytetarët e zonave përreth që e njohin mirë këtë terren të ndihmojnë institucionet në procesin e kërkimit. Në këto momente të vështira qëndroj pranë familjes Ramadani dhe shpresoj në gjetjen sa më të shpejtë të Erdanit”, ka shkruar Ahmeti.
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...