Gazetare: Albulena Demaku
Krijues, ideator, humorist, patriot e mbi të gjitha një person i jashtëzakonshëm.
I tillë ishte, Adem Mikullovci, për të cilin arti dhe kultura ishin sinonimi i suksesit të tij.
Një jetë të tërë, Mikullovci ia dedikoi skenës. Ishte padyshim një mjeshtër i madh i skenës teatrale, filmike e asaj humoristike dhe si i tillë do të mbetet në kujtesën e secilit.
Përkushtimi i madh në art, humori e jeta që i dha personazheve të ndryshme, ia siguruan atij një vend të madh në historinë e artit tonë.
E, të freskët kujtimin për të e kanë bashkëpunëtorët e tij më të afërt.