Adem Maliqi rikthehet te Llapi

Futboll

Gazeta Express

31/01/2024 13:14

Adem Maliqi është rikthyer tek Llapi.

Klubi llapjan ka njoftuar përmes faqes zyrtare se ka arritur marrëveshje bashkëpunimi me sulmuesin e krahut.

“Maliqi rikthehet sërish në shtëpi dhe do ta rrisë konkurrencën në repartin ofanziv të skuadrës”, shkruan klubi kosovar.

26-vjeçari u rikthye në “Zahir Pajaziti” pas eksperiencës me Feronikelin ’74.

Ai është prezantuar nga drejtori sportiv, Mentor Zhdrella, i cili i ka dëshiruar mirëseardhje në mesin tonë.

“Po kthehem sërish në vendlindje dhe në shtëpinë time. Besimin e drejtuesve të klubit do mundohem në maksimum t’ua shpërblej me paraqitje të mira në fushë, normalisht me gola e asistime sepse golat e asistimet na karakterizojnë neve si sulmues. Ekipi është shumë i mirë, pritja ka qenë gjithashtu e mirë dhe na mbetet vetëm të punojmë maksimalisht që t’i arrijmë objektivat e klubit, e që normalisht janë trofetë dhe Evropa”, ka thënë Maliqi sot pas prezantimit.

Adem Maliqi është transferimi i dytë i këtij afati kalimtar tek Llapi pas Landrit Ramës.

Llapjanët paralajmërojnë edhe përforcime të tjera. /Gazeta Express/