Abdixhiku i reagon PDK’së e AAK’së që e votuan Bashën: Gabim i pafalshëm, aksidentet politike e triumfet e injorancës historike do të kapërcejnë

Lajme

Gazeta Express

26/08/2025 12:09

Kryetari i LDK’së, Lumir Abdixhiku, pas zgjedhjes së Dimal Bashës kryetar i ri i kuvendit të Kosovës, i ka reaguar PDK’së e AAK’së që e votuan Bashën. Ai ka thënë se kjo është fitore e injorancës dhe gabim i pafalshëm i mbështetësve të saj.

Abdixhiku ka shtuar se “kështu e projektojnë Republikën”.

Ai ka thënë se “aksidentet politike e triumfet e injorancës historike do të kapërcejnë”.

“Kosova, siç se kishim menduar asnjëherë. Një fitore e injorancës dhe një gabim i pafalshëm i mbështetësve të saj. Gjithsesi ky është niveli i tyre. Kështu e projektojnë Republikën. Me këto vlera kanë zgjedhur të nderojnë dhe votuesit e popullin e Kosovës.  LDK aspiron më lartë. Kosova duhet të aspirojë lartë. Aksidentet politike e triumfet e injorancës historike do të kapërcejnë. Dritë një ditë do të ketë.”