A do të kemi dasmë? Bardhi tregon detaje nga lidhja me Sarën

Yjet

Gazeta Express

18/03/2024 20:20

Ish-banori i ‘BBV3’, Bardhi, ka thënë se marrëdhënia me Sarën jashtë shtëpisë po shkon shumë mirë.

“Marrëdhënia me Sarën shumë e mirë, në fakt nëna ime ma ka fshirë numrin mua dhe po merr Sarën tani”, tha ai duke qeshur.

Më tej ai tha se këtë periudhë po jetojnë në Tiranë dhe se janë njohur me familjet e njëri-tjetrit.

“Po rrimë në Tiranë tani, shumë mirë, jemi kënaqur. Jemi njohur me familjarët e njëri-tjetrit”, tha ai.

Po a do të kemi një dasmë së shpejti në Kumanovë?

“Nuk e dimë ende”, u shpreh Bardhi në “Shqipëria live”.

I pyetur për një koment lidhur me deklaratat e bëra nga babai i Sarës, ai tha: Më erdhi shumë keq, dhe isha në krah të saj.. Për mua nuk do kisha dashur të ndodhte ajo që ndodhi sepse ishte shumë e shëmtuar dhe e turpshme. Unë besoj se Sara është shumë vajzë e fortë dhe shembull për shumë vajza.