Eriksen e bind Conten, ndryshon skema e Interit

Gazeta Express

04/06/2020 9:50

Christian Eriksen e ka mahnitur mjaftueshëm trajnerin Antonio Conte në stërvitje, sa për ta bindur ta emërojë atë në formacionin startues të Interit për takimin e kthimit gjysmëfinal kundër Napolit në Kupën e Italisë.

Ish-mesfushori i Tottenhamit e ka bindur Conten gjatë seancave stërvitore pas rikthimit të futbollin dhe duket në formë shumë të mirë fizike për ta rinisur sezonin, transmeton Gazeta Express.

Gazeta italiane La Gazzeta dello Sport shkruan se Conte e ka zgjedhur Eriksenin në mesin e titullarëve në ndeshjet provuese në stërvitje dhe nënvizon se trajneri italian do ta përdorë në skemë të re, 3-4-1-2, me danezin prapa Romelu Lukakut dhe Lautaro Martinezit për ndeshjen e Interit kundër Napolit në San Paolo.

Interi e humbi ndeshjen e parë gjysmëfinale në shtëpi me rezultat 1:0 dhe do ta kërkojë finalen në ndeshjen e kthimit, e cila pritet të luhet më 13 qershor.

/Gazeta Express/