Të hënën më 27 maj, Billie Eilish e lansoi në rrjetet sociale një film të shkurtër me titull, “Not My Responsibility”.
Filmi i krijuar nga vet këngëtarja, fillimisht e kishte shënuar premierën në koncertin e parë të turneut të saj, “Where Do We Go?”, i cili zuri vend në fillim të vitit në Miami.
Ndërkaq, turneu është dashur të shtyhet për shkak të vendosjes së rregullave të distancimit social, si pasojë e pandemisë së koronavirusit.
I shoqëruar nga tingujt e muzikës elektronike në prapavi, filmi e shfaq Eilishin duke u zhveshur dalëngadalë, para se të zhytet në ujë. Këngëtarja e famshme gjithashtu është narratore e filmit, me ç’rast e përcjellë një mesazh të fuqishëm kundër komenteve negative rreth trupit të saj, transmeton Koha.
“A do të dëshironit të jem më e vogël? Më e dobët? Më e butë? Më e gjatë? A dëshironi të jem më e qetë? A ju provokojnë krahët e mi apo gjoksi im? A karakterizohem nga barku apo nga ijët?” Këto janë vetëm disa prej fjalëve që i thotë Eilish në filmin e saj.
Këngëtarja me të debutuar në skenën muzikore është komentuar shumë për dukjen e saj. Derisa shumica e këngëtareve të reja e shfrytëzojnë pamjen fizike për ta promovuar muzikën e tyre, Billie Eilish, ka zgjedhur ta bëjë të kundërtën duke veshur vetëm rroba të gjera, me arsyetimin se nuk dëshiron të seksualizohet nga kritikët dhe publiku i gjerë.
Në fillim të këtij muaji, Eilish e bëri të ditur lajmin se i ka shtyrë data e koncerteve të turneut botërorë, “Where Do We Go”. Ajo planifikohej të kthehej në Britani të Madhe në muajin korrik, për t’i realizuar disa performanca në qytete të ndryshme.
Në një botë që vazhdon të përparojë me shpejtësi në fushën e teknologjisë, përdorimi i tabletëve ka marrë një...