Sot janë bërë dy vjet nga dita kur ylli i Real Madridit, Gareth Bale, e kishte shënuar njërin ndër golat më të mirë në histori të finaleve të Ligës së Kampionëve.
Vetëm pak momente pasi ishte inkuadruar në lojë në pjesën e dytë të ndeshjes kundër Liverpoolit në Kiev, kur rezultati ishte ende 1:1, uellsiani Gareth Bale e kishte marrë të gjithë vëmendjen, transmeton Gazeta Express.
Pas një harkimi me këmbën e djathtë nga Marcelo, Bale e kishte lënë Loris Kariusin dhe miliona njerëzit në botë që e ndiqnin ndeshjen të mahnitur me golin e tij akrobatik.
#OnThisDay in 2018, Gareth Bale defied the laws of physics to score one of the greatest goals in Champions League final history. He’d only been on the pitch for three minutes. pic.twitter.com/HIcvc1YMd1
— Mirror Football (@MirrorFootball) May 26, 2020
Uellsiani më vonë e shënoi edhe një gol tjetër falë një gafe nga portieri Karius dhe Real Madridi arriti ta sigurojë titullin e 13-të të Ligës së Kampionëve.
Por, kishte qenë goli i parë i Bale ai që e kishte marrë vëmendjen, edhe të trajnerit Zinedine Zidane, reagimi i së cilit ishte bërë viral në rrjete sociale.
Gareth Bale's goal was special and worthy of winning any Champions League Final but it's just so much better with Zidane's reaction. pic.twitter.com/zmOqP7TAFZ
— amadí (@amadoit__) May 28, 2018
Megjithatë, marrëdhënia mes Bale dhe Zidane nuk ka qenë asnjëherë shumë e mirë, ndërsa uellsiani kishte zbuluar më vonë se ai kishte qenë i zemëruar që s’i ishte dhënë vendi i titullarit për atë ndeshje.
“Isha i zemëruar. Mjaft i zemëruar, që të ta them të vërtetën”, ishte shprehur bale.
“Natyrisht, unë mendoja se e meritoja të isha titullar në atë ndeshje. Kisha shënuar mjaft shumë gola, kështu që po, mendoj se ishte e vështirë ta lija anash atë zemërimin që e ndieja”. /Gazeta Express/
Në një studim të fundit të kryer nga ekspertë të industrisë – Data4X, Viva Fresh Store, si një ndër kontribuesit kryesorë, renditet në këtë...