Klubi i njohur evropian i ofron 30 milionë euro për Rashicën

Gazeta Express

22/05/2020 14:43

Ylli kosovar i Werder Bremenit po kërkohet me të madhe nga klubet e njohura evropiane, ndërsa Napoli i ofron plot 30 milionë euro për shërbimet e tij

Napoli është futur seriozisht në garë për Milot Rashicën, shkruan Gazeta Express.

Klubi italian madje e ka gati një ofertë të majme për futbollistin kosovar.

Sipas mediave italiane, klubi nga Serie A do t’ia ofrojë Werder Bremenit 30 milionë euro për përfaqësuesin kosovar.

Napoli e kërkonte 23 vjeçarin që prej kohës kur luante në Vitesse tri vjet më parë.

Werderi e vlerëson futbollistin ofanziv 38 milionë euro.

Por, nëse Bremeni bie nga Bundesliga, vlera e Rashicës do të bie dukshëm.

Rashicën ndërkohë e pëlqen edhe Lazio në Itali.

Në Gjermani, yllin kosovar e duan Leipzigu dhe Borussia Dortmundi.

Kurse, në Angli interesim për të kanë shfaqur Liverpooli, Aston Villa.

Rashica ka kontratë me Werderin deri në vitin 2022.

Ai i ka realizuar 10 gola këtë sezon deri tash me Bremenin.

Në total, ish-futbollisti i Vitesses i ka realizuar 23 gola në 59 paraqitje me Werderin.

Përfaqësuesi kosovar pritet ta vendosë për të ardhmen e tij brenda pak javësh. /Gazeta Express/