“Sezoni duhet të anulohet, Liverpooli e meriton titullin”

Gazeta Express

16/04/2020 22:36

Po të ishte për Jotan, sot Liverpooli do të fitonte titullin dhe do ta mbyllte këtu Premierligën.

Sulmuesi i Wolves, Diogo Jota, beson se Liverpooli duhet të stoliset me titullin e Premierligës derisa sezoni duhet të anulohet për shkak të koronavirusit që ka paralizuar botën.

“Do të ketë klube që do të ishin kundër (që Liverpooli të shpallet kampion), por mendoj se 95 % e njerëzve do të pajtoheshin. Për mua ata janë kampion me merit”, tha Jota.

“Ata kanë pasur sezon të shkëlqyeshëm. E kanë ndërtuar këtë skuadër që pesë vite dhe tani kanë gjitha kualitetet e nevojshme për të qenë të suksesshëm. Edhe nëse e anulojnë apo jo sezonin,  Liverpooli e ka fituar ligën. Nuk mendoj se dikush do ta kontestoj këtë”. /Gazeta Express/