UEFA: Inter – Getafe, Atalanta – Valencia, luhen pa tifozë

Gazeta Express

05/03/2020 21:55

Italia është në panik për shkak të përhapjes së Coronavirusit, që po ndikon në mënyra të ndryshme te bota e futbollit.

Pak ditë pasi u anuluan disa sfida në Serie A, dhe më pas që u mor vendimi që deri në prill të mos lejohet hyrja e tifozëve nëpër stadiume, tani edhe UEFA ka dalë me vendim zyrtar për ato klube që luajnë në Europe.

UEFA ka njoftuar sot zyrtarisht se sfidat e Ligës së Kampionëve mes Valencias dhe Atalantës, dhe ajo e e Europa Leagues, mes Interit dhe Getafes, do të luhen pa pranin e tifozëve në shkallët e stadiumit.

Shkak për këtë vendim është bërë përhapja me shpejtësi e Coronavirusit, veçanërisht në Itali, por edhe në vende të tjera të Europës, ndërsa mbyllja e dyerve të stadiumeve shmang qëndrimin e njerëzve afër me njëri-tjetrin.

Ende nuk ka një vendim sa i përket sfidës mes Barcelonës dhe Napolit, por klubi katalan vijon të shesë biletat dhe gjasat janë që të luhet normalisht, me praninë e publikut spanjoll e italian.

Ndërsa s’ka njoftim as për sfidën Juventus – Lyon, nëse do të ketë tifozë, apo cafrë do të ndodhë. /Gazeta Express/