Së shpejti filmi i dytë “P.S. I love you”

Gazeta Express

16/02/2020 15:53

Pritet që shumë shpejtë të ketë një vazhdim të filmit “P.S I love you”.

Mediat e huaja kanë raportuar se së shpejti do të ketë një vazhdim të filmit “P.S I love you”.

P.S. I Love you, film i 2007-ës, flet për historinë e Holly-it, gruas që merrte çdo ditë një letër nga burri i saj i vdekur, përgjatë një viti.

Të gjitha letrat e dashurisë përfundonin me nënshkrimin, “P.S.I Love You”. Sipas Variety, është marrë e drejta e autores së filmit, Cecelia Ahern dhe së shpejti do të ketë një vazhdim të tij.

Detajet ende nuk janë bërë të ditura përveç asaj se personazhi kryesor, Holly, 7 vite më pas pranon të tregojë historinë e saj në podcast-in e së motres.

Nuk dihet nëse Swank dhe Butler do të jenë aktorët protagonistë.