Rey Manaj e merr lajmin e madh, e fton Barcelona për ndeshjen me Getafen

Gazeta Express

14/02/2020 14:45

Trajneri Quique Setien po përballet me mungesa për shkak të lëndimeve dhe e ftoi sulmuesin shqiptar për ndeshjen e nesërme ndaj Getafes

Rey Manaj e ka marrë një lajm të madh sot, shkruan Gazeta Express.

Futbollisti shqiptar është ftuar nga trajneri Quique Setien për ndeshjen e nesërme ndaj Getafes.

Përfaqësuesi shqiptar është risia më e madhe e të ftuarve të gjigantit katalunas, i cili është i hendikepuar pas sulmuesit e lënduar, Luis Suarez e Ousmane Dembele.

Manaj ishte transferuar tek Barcelona B, por kohëve të fundit ka ushtruar kohë pas kohe me ekipin A të kampionit aktual spanjoll.

Setien kishte paralajmëruar së fundmi se mund ta ftonte ndonjë futbollist nga Barcelona B, sigurisht në raste emergjente si ky.

Barça e kishte transferuar Manajn nga Albacete në muajin maj për 700 mijë euro.

Lojtari ka nënshkruar deri në vitin 2023, ndërsa e ka një klauzolë prej 50 milionë eurosh.

22 vjeçari kishte kontratë me Albaceten deri në vitin 2024, por u largua prej aty pasi nuk e kishte gjetur veten.

Tash, ai është me fat të madh pasi u ftua në njërin prej ekipeve më të mira në botë.

Manaj i ka zhvilluar vetëm dy ndeshje me Barçën B deri tash. /Gazeta Express/