Ish-zëvëndësi i Kadri Veselit në Shërbimin Informativ të Kosovës (SHIK), Elmi Reçica, raportohet të jetë thirrur për t’u marrë në pyetje nga Gjykata Speciale.
Dikur numri dy i SHIK-ut, tash deputet i Partisë Demokratike të Kosovës, Elmi Reçica, është i ftuari i radhës i Prokurorisë së Specializuar në Hagë, sipas Indeksonline.
Gazeta Express është munduar ta kontaktojë Reçicën përmes telefonit të premten, por kontakti me të ka qenë i pamundur.
Reçica ishte zëvendëshef i SHIK’ut, ndërsa është pjesë e Kuvendit të Kosovës në disa mandate, ku ka udhëhequr edhe komisione parlamentare.
Ai ka marrë 17 mijë e 850 vota në zgjedhjet e fundit parlamentare.