Aktivisti i LVV’së denoncon Bekim Jasharin si pjesëmarrës në aferën Pronto

Gazeta Express

04/01/2020 15:56

Aktivisti i Lëvizjes Vetëvendosje, Mentor Llugaliu ka shkruar se kur është publikuar afera Pronto, shumë dëshmitarë janë paraqitur me X duke mos guxuar që të ua përmendin emrin.

Ai ka shkruar se njëri nga personat i paraqitur me X në aferën Pronto ka qenë Bekim Jashari, djali i Hamëz Jasharit.

“Kur e bona një postim edhe tregova që X-i është Bekim Jashari, djali i Hamëz Jasharit, shumë komentues ja nisen me kritiku e do kërcënu se kush je ti me folë për familjen Jashari.
Bekim Jashari në atë video haptas flet me Adem Grabovcin për punësime të paligjshme në aeroport”, ka shkruar ai.

Tutje, Llugaliu ka pyetur se a është thirrur Bekim Jashari nga Prokuroria për aferën Pronto.

Ai ka thënë se para ligjit nuk duhet të ketë familje të shenjta e as komandanta e patriota.