Espanyoli interesohet për Hulkun

Gazeta Express

27/12/2019 15:35

Klubi spanjoll dëshiron ta transferojë sulmuesin brazilian në formë huazimi deri në fund të sezonit

Espanyoli është i interesuar për transferimin e Hulkut, shkruan Gazeta Express.

Sulmuesi brazilian aktualisht luan në Superligën kineze me ekipin Shanghai SIPG.

Mirëpo, 33 vjeçari mund ta kalojë pjesën e dytë të sezonit në kampionatin spanjoll.

Sipas të së përditshmes spanjolle “Marca”, Espanyoli e kërkon sulmuesin e rrezikshëm në formë huazimi deri në fund të sezonit.

Fituesi i medaljes olimpike me Brazilin ka luajtur në të kaluarën në Evropë, në Portugali dhe Rusi. /Gazeta Express/