Rëndësia e komunikimit në shoqëri

Gazeta Express

24/12/2019 13:04

Komunikimi është shtylla kryesore e një shoqërie të zhvilluar. Ai na mundëson krijimin e marrëdhënieve ndër njerëzore dhe sjelljen e ndryshimit në shoqëri.

Gazetar: Liridon Spahiu

Pa komunikim, zotësia për të përparuar në jetën personale e atë profesionale do të ishte e pamundur.

Komunikimi shoqëror është një nga format më të rëndësishme të komunikimit sipas profesoreshës së gazetarisë Remzie Shahini-Hoxhaj.

Shahini-Hoxhaj për #gjesi gjithashtu shtoi se shoqëria kosovare ka evoluar në masë të madhe në këtë aspekt.

Ndërkaq në aspektin social, sipas sociologut Ferdi Kamberi, komunikimi në shoqëri ndikon edhe në zhvillimin e personalitetit të njeriut.

Komunikimi mund të jetë një faktor vendimmarrës në marrëdhënie pune, ngritjet profesionale apo edhe në jetën personale.

Marrëdhëniet shef-punëtore, grua-burrë, prindër-fëmija nuk do të ishin të njëjta nëse nuk do të kishte komunikim.

Prandaj, roli i komunikimit është shumë i rëndësishëm te të gjitha shoqëritë në botë.