Gjuriq thotë se opozita në Serbi po hesht për Reçakun dhe Todosijeviqin

Gazeta Express

12/12/2019 14:21

Nënkryetari i SNS-së, Marko Gjuriq, njëherësh drejtor i të ashtuquajturës Zyrë Serbe për Kosovën, ka kritikuar opozitën në Serbi për, siç ka thënë ai, “heshtjen e sinkronizuar” për Reçakun dhe Ivan Todosijeviqin

Sipas tij, “kjo edhe një herë konfirmon se ata nuk janë një alternativë për qeverinë aktuale, por një opozitë për Serbinë”.

Gjuriq thotë se “heshtja ndaj fushatës brutale të Prishtinës që synon të portretizojë veprimin anti-terror në Reçak si gjenocid të Serbisë kundër shqiptarëve, si dhe dënimin e Ivan Todosijeviqit, i cili u dënua me dy vjet burgim për ngritjen e zërit të tij kundër tregimit të së vërtetës dhe shtrembërimit të fakteve historike, nuk është për t’u habitur”.