Tronditen shkencëtaret pasi gjetën trupat e qenve të ngrirë 18 mijë vjet më parë

Gazeta Express

28/11/2019 19:47

Shkencëtarët po përpiqen të përcaktojnë nëse këta qenë që kanë jetuar 18 mijë vjet më parë, e të cilët u gjetën së fundmi në Siberi, janë qenë apo ujqër.

Njëri nga ta ishte vetëm dy muaj kur vdiq. Por, trupi i tij është ruajtur në mënyrë të jashtëzakonshme sepse kishte qëndruar i ngrirë për 18 mijë vjet. Qenit i vërehen dhëmbët, hunda dhe gëzofi, raporton BBC, transmeton Gazeta Express.

Shkencëtarët ende nuk kanë qenë në gjendje të përcaktojnë specien përmes ADN’së. Ata po thonë se kjo krijesë përfaqëson një lidhje evolucionare midis ujqërve dhe qenve modern.

Analizat gjenetike treguan se qeni ishte mashkull.

Shkencëtarët do të vazhdojnë studimet rreth ADN-së dhe mendojnë se gjetjet mund të zbulojnë më shumë për evolucionin e qenve.

Qentë modernë besohet se janë pasardhës të ujqërve, por ka debate rreth asaj se kur qentë filluan të evoluojnë.

Një studim i publikuar në vitin 2017 sqaroi se evoluimi i tyre mund të ketë ndodhur 20,000 deri 40,000 vjet më parë.