Seanca e 6 gushtit, Haxhiu mban takim me përfaqësuesit e partive politike

Lajme

Gazeta Express

31/07/2026 7:23

Në prag të seancës së caktuar për 6 gusht, U.D e presidentës Albulena Haxhiu, do të zhvillojë sot një takim me përfaqësuesit e partive politike.

Takimi vjen në kuadër të përpjekjeve për të gjetur një zgjidhje rreth konstituimit të Kuvendit dhe për të diskutuar hapat e mëtejmë para vazhdimit të seancës.

Të gjitha partitë politike tashmë kanë konfirmuar pjesëmarrjen për takimin e nesërm. Sipas njoftimit takimi do të mbahet në ambientet e Kuvendit duke nisur nga ora 11:00.

Haxhiu ditë më parë kishte thënë se Lëvizja Vetëvendosje i ka numrat për konstituimin e Kuvendit dhe formimin e Qeverisë.

Po ashtu në proces është edhe zgjedhje e presidentit, gjersa për këtë ka kërkuar bashkëpunimin e partive.

Një ditë më parë po ashtu u mbajt edhe kuvendi i jashtëzakonshëm i LDK-së, ku për herë të dytë brenda vitit Lumir Abdixhiku u konfirmua si kryetar.

Pasi i mbijetoi mocionit për shkarkimin nga kreu i LDK-së, Abdixhiku, tha se heq pezullimin për bisedime me Lëvizjen Vetëvendosje për krijimin e institucioneve të reja të vendit, duke theksuar se Kosova ka nevojë për stabilitet institucional.