Real Madridi arkëton mbi 146 milionë euro nga shitjet

Futboll

Gazeta Express

29/07/2026 21:57

Real Madridi po vazhdon të përfitojë financiarisht nga merkatoja e verës, duke siguruar mbi 146 milionë euro nga shitja e lojtarëve.

Klubi madrilen ka realizuar një sërë transferimesh, ku pjesa më e madhe e të ardhurave vjen nga largimi i talentit argjentinas Nico Paz, i cili iu bashkua Comos për 60 milionë euro. Një tjetër shitje e rëndësishme ishte ajo e Víctor Muñoz te Liverpooli për 20 milionë euro, ndërsa Mario Gila u transferua te Milani për 15 milionë euro.

Po aq, 15 milionë euro, Reali arkëtoi edhe nga kalimi i Álvaros te Bournemouth. Ndërkohë, Jacobo Ortega dhe Víctor Valdepeñas u shitën respektivisht te Strasbourgu dhe Fiorentina për nga 8 milionë euro secili.

Në listën e largimeve figurojnë edhe Álex Jiménez, i cili u transferua te Bournemouth për 12.5 milionë euro, Mario Martín, që kaloi te Getafe për 3.5 milionë euro, si dhe Fran García, i cili iu bashkua Real Betisit në një marrëveshje me vlerë 4 milionë euro.

Këto shitje e çojnë shumën e arkëtuar nga Real Madridi në mbi 146 milionë euro, duke i dhënë klubit hapësirë të konsiderueshme financiare për të investuar në afrime të reja gjatë merkatos. Në të njëjtën kohë, drejtuesit e “Los Blancos” vazhdojnë të punojnë edhe për objektivat kryesorë të verës, me emra si Rodri që mbeten në krye të listës së dëshirave.