SHBA e gatshme për partneritet me Kosovën rreth Gazit të Lëngshëm, Prattipati: Siguria energjetike është siguri kombëtare

Lajme

Gazeta Express

28/05/2026 17:09

E ngarkuara me punë e ambasadës amerikane në Kosovë, Anu Prattipati, iu bashkua Odës Ekonomike Amerikane në Kosovë në lansimin e dokumentit të saj të politikave për Gazin Natyror të Lëngshëm (LNG), njoftoi ambasada.

Ambasada tha se aty ajo theksoi se si LNG-ja amerikane, “e bollshme dhe e besueshme, mund të ndihmojë në forcimin e sigurisë energjetike të Kosovës”.

“Shtetet e Bashkuara janë të pozicionuara për të bashkëpunuar me Kosovën në avancimin e zgjidhjeve të sigurta dhe të diversifikuara energjetike, si dhe për të tërhequr investime të ardhshme. Siguria Energjetike është Siguri Kombëtare”, tha ajo.

Chargé d’affaires Anu Prattipati joined AmCham Kosovo for the launch of its Liquefied Natural Gas policy paper, highlighting how abundant and reliable American LNG can help strengthen Kosovo’s energy security. The United States is positioned to partner with Kosovo to advance… pic.twitter.com/rezEa62mo9

— U.S. Embassy Pristina (@USEmbPristina) May 28, 2026

Së fundmi, SHBA-ja dhe kompani amerikane kanë nënshkruar marrëveshje miliardëshe me disa vende të Ballkanit Perëndimor – për të zgjeruar ndikimin energjetik në rajon – Kosova nuk ka qenë pjesë e kësaj vale investimesh.

Në iniciativa të rëndësishme kanë hyrë: Shqipëria, Kroacia dhe Bosnje e Hercegovina, përfshirë edhe në një projekt të madh për ndërtimin e një tubacioni gazi që synon ta shkëpusë Sarajevën nga furnizimet ruse.