Barcelona futet në garë për Bernardo Silvan

Futboll

Gazeta Express

28/05/2026 16:56

FC Barcelona është futur në garë për transferimin e mesfushorit portugez Bernardo Silva si lojtar i lirë.

Sipas gazetarit italian Nicolò Schira, gjiganti katalunas po shqyrton mundësinë për ta afruar yllin portugez, në një lëvizje që do të ishte një përforcim i madh për skuadrën.

Bernardo Silva ka qenë prej kohësh i lidhur me një kalim në “Camp Nou”, ndërsa admirimi i Barcelonës për mesfushorin nuk është fshehur as në vitet e kaluara.

31-vjeçari vlerësohet për kreativitetin, eksperiencën dhe fleksibilitetin e tij në repartin ofensiv, duke qenë një nga lojtarët më të rëndësishëm të Manchester City në sezonet e fundit.

Interesimi i Barcelonës pritet ta rrisë konkurrencën për firmën e portugezit, teksa disa klube evropiane po monitorojnë situatën e tij në merkato.