Sonte finalja e Kupës së Kosovës, Ferizaj përballë Dukagjinit

Futboll

Gazeta Express

21/05/2026 14:30

Sonte me fillim nga ora 20:00 në stadiumin “Fadil Vokrri” në Prishtinë do të luhet finalja e madhe e Kupës së Kosovës në futboll.

Ferizaj dhe Dukagjini janë dy ekipet që synojnë këtë trofe për herë të parë në histori, shkruan Gazeta Express.

Ferizaj, i cili edhe matematikisht ka rënë nga Superliga, mund ta fitojë trofeun e Kupës dhe të hyjë në histori duke e fituar Kupën, ndonëse është i rënë nga liga.

Në anën tjetër, edhe për Dukagjinin e Klinës është rruga e vetme për Europë.

Kujtojmë, fituesi i Kupës së Kosovës e siguron kualifikimin në raundin e dytë kualifikues në Ligën e Konferencës.