Ushtarët amerikanë mirëmbajnë dhe inspektojnë helikopterët Black Hawk në Bondsteel

Lajme

Gazeta Express

20/05/2026 17:26

KFOR ka njoftuar se ushtarët amerikanë kanë kryer mirëmbajtjen dhe inspektimin e helikopterëve Black Hawk në Bondsteel.

Në njoftim thuhet edhe se, këto aktivitete kontribuojnë në ruajtjen e aftësisë së KFOR-it për t’u përgjigjur ndaj situatave emergjente në të gjithë rajonin.

Postimi:

Ushtarët e caktuar në Komandën Rajonale-Lindje (RC-E), pjesë e misionit të Forcës së Kosovës nën udhëheqjen e NATO-s (KFOR), kryejnë rregullisht mirëmbajtjen dhe inspektimet e helikopterëve UH-60 Black Hawk në Kampin Bondsteel për të siguruar gatishmërinë e mjeteve ajrore.

Këto aktivitete kontribuojnë në ruajtjen e aftësisë së KFOR-it për t’u përgjigjur ndaj situatave emergjente në të gjithë rajonin, duke konfirmuar angazhimin e tij për të siguruar një mjedis të sigurt për të gjithë njerëzit që jetojnë në Kosovë.

KFOR vazhdon të zbatojë mandatin e saj – i bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë banorët e Kosovës dhe për lirinë e lëvizjes, në çdo kohë dhe në mënyrë të paanshme. KFOR punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si përgjigjës të sigurisë.