Pesë tituj të kampionit, Zekirija Ramadani shkruan histori në Superligë

Futboll

Gazeta Express

09/05/2026 19:12

Zekirija Ramadani ka hyrë në historinë e futbollit kosovar, duke u bërë trajneri më i trofeshëm në historinë e Superligës së Kosovës.

Me titullin e fituar sot me Dritën, Ramadani arriti kuotën e pesë titujve kampionë, duke lënë pas Afrim Tovërlanin, i cili kishte katër.

Titulli i sivjetmë me Dritën është i dyti radhazi për Ramadanin me skuadrën gjilanase, pas triumfit edhe në sezonin 2024/25.

Përveç suksesit me Dritën, ai kishte shpallur kampione edhe FC Prishtina në sezonin 2020/21, KF Feronikeli në edicionin 2018/19 dhe KF Trepça ’89 në sezonin 2016/17.

Karriera e Ramadanit tashmë konsiderohet ndër më të suksesshmet në futbollin kosovar, pasi ai ka dëshmuar vazhdimisht aftësinë për të ndërtuar skuadra fituese dhe për të ruajtur stabilitetin në garën për titull.