Donnarumma i ulet në gjunjë referit kryesor, bëhet portieri më i ndëshkuar me kartonë në Evropë

Futboll

Gazeta Express

05/05/2026 19:40

Gianluigi Donnarumma ishte i dëshpëruar që goli i dytë i Evertonit të anulohej të hënën, madje u gjunjëzua para gjyqtarit Michael Oliver, një gjest që i solli kartonin e tij të shtatë të verdhë të sezonit – më shumë se çdo portier tjetër në Evropë.

Kapiteni i Italisë, Gianluigi Donnarumma, mori kartonin e tij të shtatë të verdhë të sezonit gjatë barazimit 3-3 të Manchester Cityt ndaj Evertonit.

Siç raporton “Goal.com”, “Gigio” ka marrë më shumë kartonë të verdhë se çdo portier tjetër në dhjetë ligat më të forta të Evropës.

Donnarumma besonte se ishte fauluar në ndërtimin e aksionit që çoi në golin e dytë të Evertonit, i cili erdhi nga një skemë goditjeje nga këndi.

Donnarumma literally dropped to his knees begging Michael Oliver not to book him 😂😭#EVEMCI pic.twitter.com/cgfrC29eYp

— USHIE (@ustonysilva) May 5, 2026

Megjithatë, protestat e tij ndaj gjyqtarit nuk sollën rezultatin e dëshiruar.

Portieri italian kishte bërë më herët disa pritje vendimtare dhe madje kontribuoi në barazimin e vonë të Manchester Cityt duke hyrë në zonën e Evertonit për një goditje këndi në minutat e fundit, që përfundoi me golin e Jérémy Dokut.

Gianluigi Donnarumma është në sezonin e tij të parë te Manchester City, ku ka pësuar 40 gola në 40 paraqitje në të gjitha garat dhe ka mbajtur portën e paprekur në 16 raste./GazetaExpress/