Emiratet e Bashkuara Arabe thonë se rrëzuan tri raketa nga Irani

Lajme

Gazeta Express

04/05/2026 17:46

Ministria e Mbrojtjes e Emirateve të Bashkuara Arabe tha të hënën se ka interceptuar tri raketa nga Irani mbi ujërat territoriale të vendit, ndërsa një raketë e katërt ra në det, raporton CNN.

Këto janë interceptimet e para të raketave që nga momenti kur Emiratet e Bashkuara Arabe shpallën hapësirën e tyre ajrore të lirë nga kërcënimet më 9 prill, që përkoi me fillimin e armëpushimit SHBA-Iran.

“U zbuluan katër raketa lundruese që vinin nga Irani drejt vendit. Tre raketa u interceptuan me sukses mbi ujërat territoriale të vendit, ndërsa një tjetër ra në det”, tha Ministria e Mbrojtjes.

Emiratet e Bashkuara Arabe dërguan njoftime në telefonat mobil duke paralajmëruar për kërcënime të mundshme me raketa në disa zona, përfshirë Dubain dhe kryeqytetin Abu Dhabi.

Para interceptimeve, Emiratet e Bashkuara Arabe thanë se sistemet e tyre të mbrojtjes ajrore po reagonin ndaj një kërcënimi me raketa, duke u bërë thirrje qytetarëve të qëndrojnë në “një vend të sigurt”.