Frutex shënon rekord në eksport – 24 dërgesa brenda një dite drejt tregjeve ndërkombëtare

Lajme

Gazeta Express

28/04/2026 16:28

Kompania Frutex ka arritur një rekord të ri në eksport, duke realizuar gjithsej 24 dërgesa vetëm gjatë ditës së sotme, një sukses që dëshmon rritjen e vazhdueshme dhe konsolidimin e saj në tregjet ndërkombëtare.

Produktet e kompanisë janë nisur drejt disa vendeve të botës, përfshirë Shqipërinë, Maqedoninë e Veriut, Italinë, Shtetet e Bashkuara të Amerikës, Zvicrën, Gjermaninë, Suedinë, Bullgarinë dhe Sllovakinë.

Në këto eksporte përfshihen brendet kryesore të Frutex, si Golden Eagle, Natural 100%, Relax dhe Zeros, të cilat tashmë janë të pranishme në shumë tregje ndërkombëtare.

Kompania Frutex aktualisht eksporton në më shumë se 40 vende të botës, duke u renditur ndër kompanitë më të suksesshme vendore në sektorin e prodhimit dhe eksportit.

Ky zhvillim i fundit konsiderohet një tjetër dëshmi e fuqizimit të pranisë së produkteve “Made in Kosova” në tregjet globale.