Meloni i përgjigjet Trumpit: Guxim do të thotë të thuash mendimin tënd

Lajme

Gazeta Express

22/04/2026 7:13

Kryeministrja e Italisë, Giorgia Meloni, ka reaguar me qetësi ndaj kritikave të ashpra nga presidenti amerikan Donald Trump.

Duke folur në kuadër të një panairi mobiljesh në Milano, ajo tha se nuk ishte e zhgënjyer nga deklaratat e tij, pasi i kishte pritur.

Përplasja lidhet me kritikat e forta të presidentit Trump ndaj thirrjeve të përsëritura për paqe nga papa Leone XIV, të cilat Meloni i kishte cilësuar si të papranueshme.

Në përgjigje, presidenti Trump e akuzoi atë për mungesë guximi dhe u shpreh se ishte i tronditur duke shtuar se ajo nuk ishte më e njëjta.

Meloni theksoi se kishte shprehur thjesht opinionin e saj, duke nënvizuar se ”guxim do të thotë të thuash mendimin tënd edhe kur nuk bie dakord”.

Ajo shtoi se kjo nuk ndryshon mbështetjen e saj për unitetin perëndimor dhe as marrëdhëniet mes Italisë dhe SHBA-së.

E pyetur nga gazetarët, Meloni konfirmoi gjithashtu se nuk ka folur kohët e fundit me presidentin amerikan.