Deda: Pozitën e kryetarit të Kuvendit VV mund t’ja ofronte PDK-së në janar dhe të mirreshin vesh për presidentin

Lajme

Gazeta Express

20/04/2026 20:43

Analisti Ilir Deda vlerëson se “pozitën e kryetarit të Kuvendit VV mund t’ja ofronte PDK-së në janar ose shkurt, dhe në pako të mirreshin vesh për presidentin/en”.

Në këtë situatë, Deda thotë se “paaftësia e kryeministrit për ndërtim të partneritetit politik po e shtyn Kosovën drejt skenarit të Bullgarisë- ku për 5 vjet u mbajtën 8 herë zgjedhjet parlamentare. Shpresoj që kjo mos të jetë rruga e politikës kosovare”. 

Mirëpo, ai thotë se “kjo varet kryekëput prej qytetarëve të këtij vendi sepse shoqëritë normale i mbajnë përgjegjës politikanët dhe i ndëshkojnë me votë”.

Reagimi i tij i plotë:

A patëm konsultime për zgjedhje të presidentit apo për kryetar të Kuvendit?

Pozitën e kryetarit të Kuvendit VV mund t’ja ofronte PDK-së në janar ose shkurt, dhe në pako të mirreshin vesh për presidentin/en.

Paaftësia e kryeministrit për ndërtim të partneritetit politik po e shtyn Kosovën drejt skenarit të Bullgarisë- ku për 5 vjet u mbajtën 8 herë zgjedhjet parlamentare. Shpresoj që kjo mos të jetë rruga e politikës kosovare. 

Por kjo varet kryekëput prej qytetarëve të këtij vendi sepse shoqëritë normale i mbajnë përgjegjës politikanët dhe i ndëshkojnë me votë.