Kryediplomati shqiptar: Sovraniteti i Kosovës s’mund dhe nuk duhet të vihet në dyshim, procesi i normalizimit me Serbinë s’ka ecur si duhet

Lajme

Gazeta Express

18/04/2026 16:12

Kreu i diplomacisë shqiptare, Ferit Hoxha, në një intervistë për TRT Ballkan, ka folur edhe për stabilitetin e rajonit, shkruan Gazeta Express.

Ai ka përmendur si një prej çështjeve të rëndësishme dialogun për normalizim në mes të Kosovës dhe Serbisë.

Sipas kryediplomatit shqiptar, procesi nuk ka shkuar aty ku duhet dhe se Shqipëria i përcjell me vëmendje zhvillimet.

Ai ka thënë se i ndjekin deklaratat dhe retorikën, por Shqipëria s’dëshiron të bëhet pjesë e tyre meqë Shqipëria  mund të investojë më mirë në bashkëpunim.

Për pavarësinë e Kosovës, Hoxha ka thënë se është diçka që s’vihet dhe s’duhet të vihet në dyshim.

“Kosova është vend demokratik, që po zhvillohet në mënyrë të shpejtë. Është vend, sovraniteti i të cilit nuk mund dhe nuk duhet të vihet në dyshim”, ka thënë Hoxha.  

Në një intervistë për TRT Balkan nga Forumi i Diplomacisë së Antalyas, ministri për Evropën dhe Punët e Jashtme i Shqipërisë, Ferit Hoxha, foli për prioritetin absolut të Shqipërisë për anëtarësimin në Bashkimin Evropian, marrëdhëniet strategjike me Türkiyen dhe rolin e saj në… pic.twitter.com/XHvYVzpiJe

— TRT Balkan AL (@TRTBalkanAL) April 18, 2026