CNN: Kryeministri izraelit dhe presidenti libanez do të bisedojnë sot

Gazeta Express

16/04/2026 10:34

Kryeministri izraelit Benjamin Netanyahu do të bisedojë me presidentin libanez Joseph Aoun të enjten, tha një zyrtar izraelit për CNN.

Përleshjet e vazhdueshme midis Izraelit dhe Hezbollahut kanë kërcënuar të prishin armëpushimin e brishtë të arritur midis SHBA-së, Izraelit dhe Iranit. Të mërkurën, një burim izraelit i tha CNN se kabineti i sigurisë i Izraelit do të diskutonte një armëpushim të mundshëm me Libanin, transmeton Gazeta Express.

Izraeli dhe Libani zhvilluan bisedimet e tyre të para direkte pas 40 vitesh këtë javë në Washington, DC. Megjithatë, luftimet midis Izraelit dhe Hezbollahut kanë vazhduar pavarësisht negociatave.

Të enjten në mëngjes, zëdhënësi në arabisht i Forcave Mbrojtëse të Izraelit (IDF) lëshoi një paralajmërim urgjent për evakuim për banorët e Libanit jugor që ndodhen në jug të lumit Zahrani.

“Qëndrimi në jug të lumit Zahrani mund të rrezikojë jetën tuaj dhe jetën e familjeve tuaja”, thuhej në paralajmërim.

Ndërkohë, Hezbollahu tha se “u përfshi në përplasje me zjarr të drejtpërdrejtë” me ushtarët izraelitë në Libanin jugor pranë qytetit Qantara të enjten në mëngjes, sipas një deklarate të publikuar në Telegram.

Donald Trump tha në një postim në rrjetet sociale të mërkurën në mbrëmje se liderët e Izraelit dhe Libanit do të flisnin të enjten për herë të parë pas dekadash.