“Do kënaqësha sa s’ka…” – Sara Gjordeni zbulon të preferuarën në “Big Brother VIP 5”

Yjet

Gazeta Express

09/04/2026 22:04

“Për mua e meriton dhe e fiton…”

Ish-banorja e edicionit të tretë “Big Brother VIP”, Sara Gjordeni, ka tërhequr vëmendjen e ndjekësve në rrjetet sociale, pasi ka vendosur të përgjigjet hapur për një nga temat më të komentuara të momentit, spektaklin e BBV 5.

Përmes një pyetjeje të drejtpërdrejtë në “Instagram”, Sara u pyet nëse e ndjek programin dhe kush mendon se do të shpallet fitues. Ajo u shpreh se nuk ka mundësi ta ndjekë rregullisht për shkak të angazhimeve të saj, por megjithatë ka një mendim të qartë për një nga banoret.

“E shoh kur më lë mistreçja dhe punët e qeta. Për mua e meriton dhe e fiton Selin. Do kënaqem sa s’ka që në fund të fitojë një vajzë e re”, u shpreh ajo.

Kjo deklaratë ka ngjallur menjëherë reagime në rrjet, duke ndezur diskutime mes fansave të formatit, të cilët janë gjithmonë të ndarë në mbështetje të banorëve të ndryshëm.

Ndërkohë, mbështetja publike nga figura të njohura si Sara Gjordeni shpesh ndikon edhe në perceptimin e publikut, duke i dhënë më shumë vëmendje emrave të përmendur.