Vashat kosovare i nisin përgatitjet për dy ndeshjet e prillit

Futboll

Gazeta Express

07/04/2026 19:08

Kombëtarja e Kosovës në futboll në konkurrencën e vajzave i ka nisur sot përgatitjet për dy ndeshjet kualifikuese të Grupit 2 të Ligës C për Kupën e Botës kundër Bullgarisë, që zhvillohen këtë muaj.

Dardanet e zhvilluan seancën e parë stërvitore me përkushtim maksimal, nën drejtimin e përzgjedhësit Sami Sermaxhaj dhe stafit të tij, ku fokusi ishte në aspektet taktike për përgatitjen sa më të mirë të kësaj sfide të rëndësishme.

Ndeshja e parë do të zhvillohet më 14 prill në Sofje, ku vajzat kosovare e synojnë një tjetër paraqitje dinjitoze dhe rezultat pozitiv. /Gazeta Express