CNN citon Presidentin e Iranit: Mbi 14 milionë qytetarë gati të sakrifikojne jetën per ta mbrojtur Republikën Islamike

Lajme

Gazeta Express

07/04/2026 12:43

Më shumë se 14 milionë iranianë kanë thënë se janë të gatshëm të japin jetën e tyre për të mbrojtur vendin në luftën kundër Shteteve të Bashkuara dhe Izraelit, shkroi presidenti iranian, Masoud Pezeshkian, në X.

“Mbi 14 milionë iranianë të krenar kanë deklaruar deri më tani gatishmërinë e tyre për të sakrifikuar jetën në mbrojtje të Iranit,” shkroi ai. “Edhe unë kam qenë, jam dhe do të mbetem i përkushtuar për të sakrifikuar jetën time për Iranin.”

Thirrja për qytetarët është pjesë e fushatës “Janfada (Sakrificimi i jetës) për Iranin”, e cila filloi në fillim të luftës së Iranit muajin e kaluar dhe ka për qëllim të forcojë unitetin kombëtar, raporton CNN.

Irani po përgatitet për një sulm të mundshëm në shkallë të gjerë nga SHBA-ja, pasi presidenti Donald Trump i dha Teheranit afat deri të martën për të rihapur Ngushticën e Hormuzit.