Milani kthehet te fitorja, e mposht Torinon në “San Siro”

Futboll

Gazeta Express

21/03/2026 20:05

Milani u rikthye te fitoret me një triumf prej 3-2 ndaj Torinos, derisa Santiago Gimenezi u rikthye në fushë.

Skuadra kuqezi kishte ndjerë presion pas humbjes ndaj Lazios, duke u afruar më shumë me vendin e pestë sesa me liderët.

Rafael Leao mungoi për shkak të dëmtimit, kështu që Niclas Fullkrug mori vendin e tij, ndërsa Gimenez ishte në stol për herë të parë që nga tetori.

Davide Bartesaghi dhe Adrien Rabiot ishin gjithashtu të gatshëm.

Ndeshja nisi më mirë për vendasit nga “San Siro”, me Rabiotin që gjuajti nga distanca, por Albert Paleari e devijoi.

Pak çaste më vonë Milan kaloi në avantazh me një goditje të Strahinja Pavlovic.

Ai preku topin, e lëshoi të kërcente dhe goditi me këmbën e majtë në gjysmëvolej, duke e futur në rrjetë poshtë traversës.

Torino barazoi pak para pushimit të pjesës së parë, me Simeonen që shfrytëzoi një top të lirë pas dy devijimeve dhe shënoi gol.

Në pjesën e dytë, Milan u bë më agresiv pas ndryshimit në mbrojtje me katër lojtarë.

Presioni u shpërblye kur Christian Pulisici dha një top nga e djathta dhe Rabiot shënoi me gju në distancë të afërt, gol i tij i parë në “San Siro” me Milanin.

Pak më vonë ata zgjeruan avantazhin me një gol nga Youssouf Fofana pas një topi të Zachary Athekame.

Maignani bëri një pritje fantastike ndaj Simeones, ndërsa Santiago Gimenez bëri rikthimin e tij pas operacionit të kyçit, paraqitja e tij e parë që nga fundi i tetorit 2025.

Nikola Vlasic shënoi penalltinë e fituar pas një faulli të Pavlovic ndaj Simeones, duke rikthyer Torinon në ndeshje.

Me këtë fitore, Milani renditet i dyti me 63 pikë, një më shumë se Napoli në vendin e tretë dhe pesë më pak se Interi, që është i pari dhe ka një ndeshje më pak./GazetaExpress/