Dietologia: 5 shkaqe të fryrjes që s’kanë lidhje me intolerancën ushqimore

Keshilla Mjekësore

Gazeta Express

03/03/2026 21:32

Një dietologe ka renditur pesë shkaqe të zakonshme të fryrjes së barkut, duke theksuar se problemi nuk lidhet gjithmonë me intolerancat ushqimore.

Fryrja është një shqetësim i përhapur që shoqërohet me ndjesi mbushjeje dhe parehatie në stomak. Sipas NHS, arsyeja më e zakonshme është grumbullimi i gazrave në zorrë. Kjo mund të shkaktohet nga disa ushqime dhe pije (si perime të caktuara apo pijet e gazuara), nga gëlltitja e ajrit gjatë ngrënies, ose nga probleme me tretjen.

Megjithatë, shumë persona që përjetojnë fryrje fillojnë të heqin ushqime të caktuara nga dieta — si gluteni apo bulmeti — duke menduar se kanë intolerancë. Sipas dietologes Olivia, e cila ka përvojë si në sistemin publik ashtu edhe në atë privat shëndetësor, kjo qasje mund të përkeqësojë situatën.

Ajo shpjegon se fryrja shpesh lidhet me mënyrën si funksionon sistemi tretës, jo thjesht me atë që është konsumuar.

Pesë shkaqet e zakonshme të fryrjes

Sipas saj, fryrja mund të shkaktohet nga:

kapsllëku;

ngrënia shumë e shpejtë;

stresi;

ndryshimet hormonale;

rritja e menjëhershme e sasisë së fibrave në dietë.

Ajo paralajmëron se eliminimi i ushqimeve pa një vlerësim të qartë mund të përkeqësojë simptomat e zorrëve.

@olivia_the_dietitian This is for all my bloated friends out there ✨ Let me know if you have any questions! #guthealth #bloating #ibs #dietitian #nutritionadvice ♬ original sound – dEnNymcr💯😮‍💨

Kur mund të jetë diçka më serioze?

NHS thekson se në disa raste fryrja mund të jetë simptomë e problemeve të tjera shëndetësore, si:

Celiac disease (sëmundja celiake), ku sistemi imunitar reagon ndaj glutenit;

Irritable bowel syndrome (sindroma e zorrës së irrituar), e cila shkakton dhimbje barku, fryrje dhe diarre.

Tek gratë, fryrja mund të shfaqet edhe gjatë ciklit menstrual. Në raste të rralla, fryrja e vazhdueshme që nuk largohet mund të jetë shenjë e një gjendjeje më serioze, si kanceri i vezoreve.

Çfarë mund të ndihmojë?

Për të lehtësuar fryrjen, rekomandohet:

aktivitet fizik i rregullt për të përmirësuar tretjen;

përtypje me gojë të mbyllur për të shmangur gëlltitjen e ajrit;

pirje e mjaftueshme e ujit;

konsumim i ushqimeve të pasura me fibra të tretshme në rast kapsllëku (si tërshëra apo farat e lirit);

vakte më të vogla dhe më të shpeshta;

masazh i lehtë i barkut nga e djathta në të majtë për të ndihmuar në çlirimin e gazrave.

Nëse fryrja vazhdon pavarësisht ndryshimeve në stilin e jetesës, ose shoqërohet me simptoma të tjera shqetësuese, rekomandohet konsultë me mjekun e familjes për vlerësim të plotë dhe plan trajtimi të personalizuar. /GazetaExpress/