Ish-Prokurori i ICTY Geoffrey Nice shprehet “i gatshëm për bashkëpunim me qeverinë”, Kurti i flet për Specialen gjatë takimit

Lajme

Gazeta Express

18/02/2026 16:44

Kryeministri i vendit, Albin Kurti, ka pritur në takim Sir Geoffrey Nice. Ky i fundit, siç bën të ditur ZKM, e ka uruar Kurtin për rizgjedhjen e tij në detyrë.

Në komunikatë theksohet edhe se, Sir Geoffrey Nice është jurist dhe i cili ka shërbyer si prokuror në Gjykatën Penale Ndërkombëtare për ish-Jugosllavinë (ICTY), ku ka udhëhequr ndjekjen penale në rastin kundër Sllobodan Millosheviqit, përcjell Gazeta Express.

‘‘Gjatë takimit, Kryeministri Kurti dhe z. Nice biseduan për bashkëpunimin e tij të mëhershëm me Qeverinë e Kosovës, si dhe për një mori temash që ndërlidhen me të drejtën ndërkombëtare dhe funksionimin e Gjykatës Speciale. Në veçanti, Kryeministri e informoi z. Nice për përpjekjet e deritanishme të Qeverisë së Kosovës për të përkrahur, në forma të ndryshme dhe brenda kornizës ligjore, të akuzuarit e kësaj Gjykate’’, thuhet mes tjerash në komunikatë.

Në njoftim bëhet e ditur edhe se, Nice ka shprehur gatishmërinë për të vazhduar bashkëpunimin me Qeverinë e Kosovës edhe në të ardhmen.

Komunikata:

Kryeministri i Republikës së Kosovës, Albin Kurti, takoi Sir Geoffrey Nice, i shoqëruar nga avokati Taulant Hodaj.

Me këtë rast, Sir Geoffrey e uroi Kryeministrin për rizgjedhjen e tij në detyrë, duke e përgëzuar për fitoren plebishitare në zgjedhjet e 28 dhjetorit dhe për angazhimin e tij në luftën kundër krimit dhe korrupsionit.

Sir Geoffrey Nice është jurist dhe avokat i njohur ndërkombëtarisht, me një karrierë të gjatë në fushën e së drejtës penale ndërkombëtare dhe së drejtës ndërkombëtare publike. Ai ka shërbyer si prokuror në Gjykatën Penale Ndërkombëtare për ish-Jugosllavinë (ICTY), ku ka udhëhequr ndjekjen penale në rastin kundër Sllobodan Millosheviqit. Përvoja e tij e gjerë në trajtimin e krimeve ndërkombëtare, përgjegjësisë shtetërore dhe çështjeve komplekse juridike e ka bërë atë një nga emrat më të respektuar në këtë fushë. Ai ka këshilluar edhe qeveri të mëparshme të Republikës së Kosovës lidhur me një mori çështjesh juridike që ndërlidhen me të drejtën ndërkombëtare.

Gjatë takimit, Kryeministri Kurti dhe z. Nice biseduan për bashkëpunimin e tij të mëhershëm me Qeverinë e Kosovës, si dhe për një mori temash që ndërlidhen me të drejtën ndërkombëtare dhe funksionimin e Gjykatës Speciale. Në veçanti, Kryeministri e informoi z. Nice për përpjekjet e deritanishme të Qeverisë së Kosovës për të përkrahur, në forma të ndryshme dhe brenda kornizës ligjore, të akuzuarit e kësaj Gjykate. Nga ana e tij, z. Nice shprehu gatishmërinë për të vazhduar bashkëpunimin me Qeverinë e Kosovës edhe në të ardhmen.