Konjufca nga Haga: UÇK-ja ishte aleate e NATO-së në terren, nuk mund ta quash ndërmarrje të përbashkët kriminale

Lajme

Gazeta Express

17/02/2026 20:53

Ministri i Punëve të Jashtme, Glauk Konjufca ndodhet në Hagë, në ditën kur në Kosovë ka pasur marsh për ish-krerët e UÇK-së.

Konjufca ka folur para mediave në Hagë, ku tha se beson se aktakzua do të bie dhe ish-krerët e UÇK-së do lirohen.

Ai pyeti sesi ka mundësi UÇK-ja që po akuzohet si ndërmarrje e përbashkët kriminale të ishte aleate e NATO-së në terren.

Kështu, ai tha se është qesharake të besosh se “UÇK-ja i ka mashtruar shtetet me shërbimet më të forta në botë.

“Nëse kishte me qenë Bashkimi Evropian, po të kishim qenë me këta skenarë të këqij nuk kishin ndodh intervenimet e NATO’s, aeroplanët janë ngritur sepse nuk kanë qenë skenar të këqij. Nëse zemrën e UÇK-së ka pasur ndërmarrje të përbashkët kriminale si ka mundur me shërby UÇK-ja aleancë e NATO-së në terren”, ka thënë ai. /Gazeta Express