Kryeministrja daneze thotë se dëshira e Trump për Grenlandën ”mbetet e njëjtë”

Lajme

Gazeta Express

14/02/2026 19:10

Kryeministrja daneze Mette Frederiksen në Konferencën e Sigurisë në Mynih, është pyetur nëse kriza ka kaluar tani që po zhvillohen negociata mes Kopenhagës dhe Uashingtonit, ndaj së cilës ajo u përgjigj se nuk e beson një gjë të tillë.

“Mendoj se dëshira e presidentit amerikan është saktësisht e njëjtë. Ai është shumë serioz për këtë,” tha ajo, raporton BBC, përcjell Express.

Ajo gjithashtu përsëriti se nuk është e mundur t’i vihet një çmim ishullit dhe se sovraniteti duhet të respektohet – duke shtuar se populli i Grenlandës ka sinjalizuar tashmë se nuk dëshiron të jetë amerikan.