“Drejtësi, jo Politikë”, sonte në Kuvendin e Kosovës votohet Rezoluta për gjyqin ndaj ish-krerëve të UÇK’së

Lajme

Gazeta Express

12/02/2026 17:20

Deputeti i PDK-së, Artan Behrami, ka treguar që një prej pikave të rendit të ditës të seancës që do të mbahet sonte në orën 19:00, do të jetë miratimi i një Rezolute që bën thirrje për drejtësi, gjykim fer dhe të pamotivuar politikisht për krerët e UÇK-së në Hagë.

 “Jashtëzakonisht i lumtur që sonte do të votohet një Rezolutë, e cila bën thirrje për një verdikt fer, të paanshëm dhe të pamotivuar politikisht për krerët e UÇK-së në Hagë!Drejtësi, jo Politikë!”, ka shkruar Behrami.

Votimi i kësaj Rezolute vjen në kohën kur në Hagë po mbahen seancat për deklarimet përmbyllëse të palëve.