Plagoset një person në Mitrovicë, 4 gezhoja u gjetën në vendin e ngjarjes – arrestohen dy të dyshuar

Lajme

Gazeta Express

11/02/2026 20:25

Sonte, rreth orës 19:26, Policia ka pranuar një informatë për të shtëna me armë zjarri, të ndodhura në rrugën “UÇK” në Mitrovicën e Jugut.

“Nga hetimet fillestare bëhet e ditur se një person i moshës madhore ka mbetur i plagosur nga arma e zjarrit”, ka konfirmuar për Gazetën Express, zëdhënësi i policisë rajonale të Mitrovicës, Avni Zahiti.

I plagosuri është dërguar në spital për tretman mjekësor.

“Lidhur me rastin, policia ka arrestuar dy persona të dyshuar, ndërsa në  vendin e ngjarjes janë  gjetur katër  gëzhoja”, tha tutje Zahiti.

Njësitet përkatëse policore janë duke zhvilluar hetimet e mëtejme, shtoi ai.