“Praktika dhe procesi i një artisteje të re në Kosovë” me Renea Begollin

Arte

Gazeta Express

10/02/2026 15:01

Më 12 shkurt nga ora 19:00 në “Reporting House” mbahet diskutim publik me Renea Begollin me temën “Praktika dhe Procesi i një artisteje të re në Kosovë”.

Rruga e një artisteje nuk ndërtohet vetëm nga ekspozitat dhe çmimet, por edhe nga procesi, kërkimi, eksperimentimi e puna e përditshme.

Në këtë bisedë të hapur me Renea Begollin, artiste vizuale dhe hulumtuese me bazë në Prishtinë, flitet për fillimet e saj në art, formimin e praktikës artistike dhe hapat që kanë ndërtuar rrugën e saj si artiste e re në Kosovë.

Diskutimi fokusohet në procesin kreativ dhe punën kërkimore, duke u ndalur te temat themelore të veprave së saj si memoria, trupi dhe ekologjia, po ashtu dhe te mënyra se si trupi trajtohet si arkiv i përvojës personale dhe kolektive.

Përmes veprave të përzgjedhura dhe hulumtimit te Reneas, diskutohet përgjegjësia e të punuarit me kujtesën në kontekstin e pas luftës në Kosovë, si dhe roli i institucioneve dhe skenës së artit në zhvillimin e praktikës artistike.