U rrëzua nga shkallët, humb jetën gjatë transportit për në Tiranë 74-vjeçari nga Durrësi

Lajme

Gazeta Express

10/02/2026 11:16

Një 74-vjeçar ka humbur jetën pasi u rrëzua nga shkallët e banesës së tij në Durrës. Policia njofton se i moshuari ka humbur jetën gjatë transportimit me autoambulancë, nga spitali i Durrësit në spitalin e Traumës në kryeqytetin shqiptar.

“Më datë 09.02.2026, ka humbur jetën gjatë transportimit me autoambulancë, nga spitali i Durrësit në spitalin e Traumës, shtetasi H. D., 74 vjeç, i cili dyshohet se është dëmtuar pasi është rrëzuar nga shkallët e banesës”, njofton policia.