Sami Kurteshi veç verbalisht shfaq “rezervat” për Listën Srpska, voton që t’i certifikohet rezultati

Lajme

Gazeta Express

09/02/2026 20:04

Anëtari i Vetëvendosjes në KQZ, Sami Kurteshi, vetëm verbalisht tha se vazhdojnë t’i kenë “të gjitha rezervat për Listën Serbe”, ndonëse votoi që Listës Serbe t’i certifikohet rezultati.

“Gjitha rezervat që i kemi pas për Listën Serbe i kemi dhe vazhdojmë t’i kemi”, tha Kurteshi në mbledhjen e KQZ-së, ndonëse veproi ndryshe.

Komisioni Qendror i Zgjedhjeve në mbledhjen e sotme mori vendim për certifikimin e rezultateve përfundimtare të zgjedhjeve të parakohshme për Kuvendin e Republikës së Kosovës, të cilat janë mbajtur më 28 dhjetor 2025.

Rezultatet u certifikuan për 24 subjektet politike dhe kandidatët e tyre.

Para certifikimit, kryesuesi Kreshnik Radoniqi njoftoi se PZAP dhe Gjykata Supreme kanë përfunduar me trajtimin e ankesave të parashtruara në këto institucione kundër rezultateve përfundimtare të shpallura nga KQZ më 31 janar 2026 dhe nuk ka ndryshime, njoftoi KQZ.