VV në KQZ votoi për certifkimin e rezultatit të Listës Serbe pasi më parë refuzuan: Sadiku: S’janë humoristë, po anti-shtet

Lajme

Gazeta Express

09/02/2026 19:39

Ermal Sadiku nga Lidhja Demokratike e Kosovës (LDK), ka reaguar pasi Alban Krasniqi dhe Sami Kurteshi nga Lëvizja Vetëvendosje në KQZ votuan pro certifikimit të rezultateve, përfshirë edhe të Listës Serbe.

Më parë, Lëvizja Vetëvendosje përfaqësuar nga Krasniqi dhe Kurteshi kishin refuzuar certifikimin e rezultateve.

Për ta, Sadiku tha se nuk janë humoristë por anti-shtet.

“Kjo duhej me qenë qesharake…ama nuk është. Kjo e ka tejkalu humorin prej kohësh. Këta nuk janë humoristë. Janë anti-shtet. Anti-institucion”, ka thënë ai. /Gazeta Express