Stojançe Zarkov nga Shtipi u dënua me burgim të përjetshëm për vrasjen e nënës së tij

Maqedoni

Gazeta Express

09/02/2026 15:39

Pronari i restorantit në Shtip, Stojançe Zarkov, me nofkën “Grof”, u dënua sot me burgim të përjetshëm për vrasjen e nënës së tij 84-vjeçare, Marija Zarkova. Vendimi në Gjykatën Themelore të Shtipit u shpall sot nga gjyqtari Sasko Georgiev në mungesë të Zarkovit, i cili është në paraburgim në burgun e Kumanovës, transmeton Portalb.mk.

I pandehuri pretendoi dy herë gjatë gjyqit se nuk mbante mend nëse e kishte vrarë nënën e tij.

Vrasja ndodhi më 8 gusht të vitit të kaluar, në orën 2 të mëngjesit, kur Zarkov telefonoi numrin e urgjencës. Arma e përdorur për të kryer krimin është një thikë, të cilën pronari i restorantit e kishte përdorur më parë në kryerjen e krimeve që lidhen me dhunën në familje.

Zarkov është gjykuar disa herë për kryerjen e krimeve të dhunës në familje kundër prindërve të tij, tani të ndjerë.

Gjyqtari Georgiev shpalli vendimin, duke deklaruar se krimi është kryer më 8 gusht 2025, në orët e para të mëngjesit, pas orës 2 të mëngjesit, kur vetë i pandehuri telefonoi numrin e urgjencës. Vrasja u krye me një thikë të gjelbër, të cilën, sipas gjykatës, Zarkov e kishte përdorur më parë kur kryente krime që lidhen me dhunën në familje.

Gjyqtari Georgiev tha se sipas arkivit të Gjykatës Themelore në Shtip, Zarkov është gjykuar disa herë për kryerjen e krimeve të dhunës në familje kundër prindërve të tij, të cilët tani janë të ndjerë.

Gjykata Themelore në Shtip që nga viti 2020 ka dhënë tre dënime me burgim të përjetshëm për vrasje brutale.